Portieri i Bayern Munichut, Manuel Neuer, zbuloi të mërkurën se më parë ishte trajtuar për kancer të lëkurës dhe duhej t’i nënshtrohej një operacioni.
Neuer tha se ai ka një mbresë pranë hundës dhe se “u desh të operohesha tre herë dhe kisha kancer të lëkurës atje”, në një video që lançoi një linjë të re për kujdesin e lëkurës me ish-tenisten e rangut më të lartë Angelique Kerber.
Neuer nuk tha se kur u zhvilluan operacionet. Ai u fotografua vitin e kaluar duke veshur një bluze mbi zonën e prekur.
Ai nuk ka luajtur që nga 8 tetori për shkak të një problemi me shpatullën, por Bayern ka thënë se ai mund të kthehet në aksion kur të përballet me Hertha Berlin të shtunën.
Portieri, i cili ka 113 ndeshje ndërkombëtare, ndihmoi Gjermaninë të ngrinte Kupën e Botës 2014 në Brazil dhe do të jetë pjesë e skuadrës së vendit në turneun e këtij muaji në Katar.
